上星期「愛的啟蒙之愛在大自然」活動，小一同學去咗大帽山扶輪公園同川龍徒步行山，除咗欣賞沿途美景，仲喺過程中化身小小生物學家，個個拎住放大鏡近距離觀察昆蟲同植物，認識呢度嘅生態。除此之外，活動亦加插視藝科元素，小朋友要以「愛」為主題影相，大家都非常專注去搵拍攝素材，有人影到心形葉片，非常眼尖！行完山之後，大家仲去咗傳統茶樓飲茶，品嚐傳統點心同茶，體驗地道文化！