早前通德派員參加「西貢區社區中心55周年水上共融獨木舟慈善賽」，活動為咗幫特殊教育需要(SEN)嘅小朋友同青少年籌款，提供無障礙水上培訓，讓佢哋一樣可以乘風破浪，享受平等嘅水上樂趣！咁有意義嘅事，通德當然要支持，派出咗羅Sir同兩位小五學生簡立衡同劉俊堯參加，三人一艇，挑戰自我。雖然三位第一次合作，但都非常有默契，成功完成到賽事。