喺通德森探周，留港活動嘅小朋友一樣有精彩嘅節目！忙碌嘅考試周剛過去，小朋友喺活動就用最純粹嘅五感，去西貢呢個香港後花園重新同大自然做朋友！日間活動：Eco Art｜變身自然藝術家唔洗畫筆！細路仔用雙手摸、用鼻嗅、用眼睇、用耳聽、用腦諗，小朋友選擇嘅每一粒種子，都代表住生命中重要嘅一員！各位小朋友最後整咗出獨一無二嘅「天然果實風鈴」！風一吹叮叮噹噹響，係藝術、係人生，亦係同森林合作嘅交響樂！夜晚重頭戲：觀星體驗｜變身夜空解密員夜幕低垂，同學抬頭仰望，學習辨認星座同畫星圖，喺無垠嘅星空下感受宇宙嘅深邃同寧靜！雖然當晚天公不造美，小朋友睇唔到星星，但校長特登遠道而來嘅熱情，早已為大家心裏掛起咗星星！喺第一日森林活動，同學學識咗「感受」，唔係死記硬背，而係用五感去體驗、去連結、去學識愛護大自然！