森林五感探索歷奇營 Day 2
2025-12-03
通德森探周嘅第一日只係熱身，而第二日就係全身心嘅投入！小朋友直接成為「森林一份子」，同大自然零距離，感受森林嘅脈搏
朝早：山林小勇士
早餐過後，小朋友腳踏實地，一步一腳印，穿梭喺林木蔥蘢嘅小徑間，觀察植物如何共生，亦感受到組員之間嘅互助互受。汗水與笑聲交織，小朋友學識堅毅，亦懂得合作嘅力量！
中午：水感大挑戰
通德同學仔點止上山，玩水一樣掂！小朋友動腦砌成「羅馬炮架」，進行水彈大對決，水花四濺、尖叫聲衝上雲霄！策略＋團隊＋開心＝100分！
下午：原野煮食小廚神
活動過後，小朋友筋竭力疲，但喺郊野並冇得叫外賣，小朋友只能用最原始的方式生火，親手製作香噴噴的「營火煲仔飯」！美味嘅香菇雞食材，加上各式各樣調味料，而飯香混合著住柴火香，小朋友親手製作左一度美味嘅佳餚！食完之後整裝待發，小朋友再有氣力再征戰山徑，投入大自然嘅懷抱！
夜晚：燒烤星空夜談
小朋友圍住營火燒烤，邊食邊傾白天嘅趣事，笑聲喺夜空中迴盪!呢一刻，同學同老師不只係夥伴，更像一家人！
第二日，小朋友除咗用五感，亦都用汗水、用歡笑同大自然連繫起來！
