最近錦田舉行十年一度酬恩建醮活動，規模非常大，通德老師亦帶咗同學去現場睇，感受香港傳統文化嘅魅力，其中巨型醮棚更獲健力士世界紀錄認證為全球最大臨時竹構祭壇，非常利害！

同學去到現場除咗親眼見到超過300年歷史嘅建醮活動，亦都學到好多唔同嘅嘢，包括了解到建醮活動嘅由來、參觀現場免費展覽等，仲有機會近距離睇到好多香港非物質文化遺產，例如匠人現場搭建竹棚、做紙紮同花牌、舞龍舞獅、粵劇神功戲等，透過近距離接觸，感受到鄉村宗族文化同感恩精神，亦了解呢啲傳統技藝嘅歷史價值，學會欣賞同尊重本土工藝比書本教嘅深刻百倍！

現場人山人海，非常熱鬧，除咗參與到大型嘅大士巡遊、行香等環節，同學同老師更可以著上傳統長衫圍裙影相留念，增加對錦田鄉村文化嘅認同感，更明白保護非遺同傳承傳統好重要，係一次活生生嘅文化教育體驗！