通德嘅數學堂非常重視活動學習，將抽象嘅知識變得具體。小一同學仔透過創意活動，探索立體圖形嘅世界，用立體圖形拼出各種可愛動物，包括可愛嘅大象、貓仔同兔仔，仲為動物改咗獨特嘅名。呢個活動唔止提升小朋友數學能力，仲大大提升團隊合作同爆發無限創意！課堂亦重視學生嘅表達能力，喺展示環節，小朋友輪流展示作品，學習互相鼓勵同表達自己嘅想法，佢哋仲一齊討論點樣照顧動物，個個都好認真，愛心同責任感滿滿。