《我要讚佢》最值得表揚學生獎 X 「以心傳善 筆墨生福 共創世界紀錄」活動
好開心同大家分享一個喜訊！我們學校的5A班Umaima同6A班張依勤兩位同學，喺星島新聞集團舉辦嘅《我要讚佢》最值得表揚學生獎勵計劃中，憑住出色嘅表現，成功獲選為「最值得表揚學生」！活動主題係「以心傳善 筆墨生福 共創世界紀錄」。
呢次活動由星島新聞集團主辦，邀請咗教育局局長蔡若蓮女士JP、民政及青年事務局局長麥美娟女士SBS JP、文化體育及旅遊局局長羅淑佩女士JP 等重量級嘉賓主禮。顏校長、Umaima同依勤與現場所有人一齊，用書法筆一齊寫下咗好多個「福」字，齊心合力挑戰創下世界紀錄！喺農曆新年即將到來嘅美好時刻，佢哋用呢份心意，向全港市民送上最溫暖嘅祝福。
學校一直好重視培養同學嘅正面價值觀，鼓勵大家將善意傳遞畀身邊嘅人。Umaima同依勤嘅表現真係好值得驕傲，希望佢哋繼續做個好榜樣，帶動更多同學一齊「以心傳善」，一齊努力打造一個充滿愛同正能量嘅校園環境！
恭喜兩位同學！繼續加油呀～